امریکا اور روس کے درمیان جوہری ہتھیاروں کی تعداد محدود رکھنے والا معاہدہ نیو اسٹارٹ اپنی میعاد پوری ہونے کے بعد ختم ہو گیا ہے۔
معاہدے کے خاتمے کے بعد دنیا میں نئی اسلحہ دوڑ کے خدشات بڑھ گئے ہیں۔ چینی وزارت خارجہ نے کہا کہ یہ افسوسناک لمحہ ہے اور امریکا کو روس کے ساتھ اسٹریٹجک استحکام کے لیے دوبارہ مذاکرات شروع کرنے چاہئیں۔
اقوام متحدہ کے سیکریٹری جنرل انتونیو گوتریس نے بھی کہا کہ یہ عالمی امن کے لیے خطرہ ہے اور دونوں ممالک فوری طور پر کسی متبادل فریم ورک پر بات کریں۔
نیو اسٹارٹ 2010 میں طے پایا تھا اور اس کا مقصد جوہری جنگ کو روکنا تھا۔ معاہدے کے تحت دونوں ممالک کے لیے 1,550 جوہری وار ہیڈز کی حد رکھی گئی تھی اور ڈیٹا کے تبادلے، پیشگی اطلاعات اور سائٹ پر معائنہ جیسے شفافیت کے اقدامات شامل تھے۔
