اسلام آباد: نئی حلقہ بندیوں کی مشق کی وجہ سے عام انتخابات میں تاخیر کی قیاس آرائیوں کے درمیان، وزارت قانون و انصاف نے صدر عارف علوی کو مطلع کیاہے کہ الیکشن کی تاریخ دینا الیکشن کمیشن آف پاکستان کا استحقاق ہے۔
وزارت قانون و انصاف نے یہ جواب صدر کے خط کے بعد دیا ہے جو انہوں نے الیکشن کی تاریخ کے حوالے سے الیکشن کمیشن آف پاکستان کولکھا تھا۔
وزارت قانون کی طرف سے لکھا گیا خط میڈیا کو جاری نہیں کیا گیااور اس معاملے پر وزارت اور ایوان صدر کی طرف سے کوئی سرکاری بیان سامنے نہیں آیا۔ ایوان صدر اور وزارت قانون سے خط کی کاپی شیئر کرنے سے گریزاں رہے۔
رپورٹس کے مطابق الیکشن ایکٹ میں کی گئی ترامیم کے بعد صدر کے پاس انتخابات کی تاریخ کا تعین کرنے کا اختیار نہیں ہے۔
صدر علوی نے سی ای سی کی جانب سے انتخابات کی تاریخ طے کرنے کے لیے ملاقات کی درخواست مسترد کیے جانے کے بعد وزارت قانون کو مشورہ کے لیے خط لکھا تھا۔
Don’t forget to Subscribe our Youtube Channel & Press Bell Icon.
یہ خط چیف الیکشن کمشنر سکندر سلطان راجہ کے صدر کو دیئے گئے جواب کے بعد آیا، جس نے صدر کو بتایا کہ ترمیم شدہ قانون کے تحت انتخابات کی تاریخ دینا انتخابی نگران کا واحد اختیار ہے۔ صدر علوی نے انہیں الیکشن کی تاریخ پر ملاقات کے لیے مدعو کیا تھا۔
الیکشن کمیشن کے جواب کے بعد صدرنےمشورے کے لیے وزارت قانون سے رجوع کیا۔ وزارت کو لکھے گئے اپنے خط میں صدر علوی نے آئین کے آرٹیکل 244 کا حوالہ دیتے ہوئے کہا تھا کہ وہ قومی اسمبلی کے قبل از وقت تحلیل ہونے کے بعد 90 دن کی مقررہ مدت میں انتخابات کرانے کے پابند ہیں۔
تاہم، بدھ کو اپنے ردعمل میں، وزارت نے صدر کو بتایا کہ انتخابات کے ایکٹ میں تبدیلی کے بعد صدر کا انتخابات کی تاریخ کے اعلان میں کوئی کردار نہیں ہے۔
