نگراں وزیراعظم انوار الحق کاکڑ نے دوٹوک الفاظ میں کہا ہے کہ پاکستان کے عوام اگلے ماہ کی 8 تاریخ کو اپنے نمائندے منتخب کریں گے اور نگران حکومت انہیں اقتدار کی پرامن منتقلی کرے گی۔
ایک نجی نیوز سے گفتگو کرتے ہوئے انہوں نے کہا کہ جمہوریت بتدریج آگے بڑھے گی اور اپنے ثمرات عوام تک پہنچائے گی جیسا کہ یورپ میں ہوا۔ انوار الحق کاکڑ نے کہا کہ وہ خالص جمہوریت پر یقین رکھتے ہیں لیکن جمہوری حکومت کو گورننس کو بہتر کرنا چاہیے اور کارکردگی کا مظاہرہ کرنا چاہیے۔
انہوں نے کہا کہ عبوری حکومت ملکی ترقی کے لیے ٹھوس اقدامات کر رہی ہے اور خصوصی سرمایہ کاری سہولت کونسل کا مقصد وزیر اعظم کو معیشت کے بارے میں باخبر فیصلے کرنے میں مدد فراہم کرنا ہے۔
Don’t forget to Subscribe our Youtube Channel & Press Bell Icon.
بلوچستان کے مسائل کے بارے میں بات کرتے ہوئے انہوں نے کہا کہ ایک بار عسکریت پسندوں کو یہ احساس ہو گیا کہ انہیں ہتھیار ڈالنا ہوں گے اور مسائل حل ہو جائیں گے۔ انہوں نے کہا کہ ریاست کے تقدس کو ملحوظ رکھا جانا چاہئے کیونکہ یہ کسی بھی فرد سے بالاتر ہے۔
دہشت گردی کے خلاف جنگ میں قربانیوں کا اعتراف کرتے ہوئے انہوں نے کہا کہ فوجداری نظام انصاف میں اصلاحات وقت کی اہم ضرورت ہے۔ انہوں نے کہا کہ ہم نے دہشت گردی کے خلاف جنگ میں 90ہزار سے زائد شہریوں کی جانیں گنوائی ہیں لیکن عدالتوں میں نو افراد کو بھی موت کی سزا نہیں سنائی گئی۔
