سینیٹ کی 48 نشستوں کے لیے پولنگ آئندہ ماہ کی دو تاریخ کو ہوگی۔
الیکشن کمیشن آف پاکستان کے مطابق 52 سینیٹرز اپنی چھ سالہ مدت پوری کرنے کے بعد کل ریٹائر ہو جائیں گے۔ تاہم سابقہ قبائلی علاقوں کے لیے مختص چار نشستوں پر الیکشن نہیں ہوگا۔ یہ نشستیں آئین کی 25ویں ترمیم کے تحت قبائلی علاقوں کے خیبرپختونخوا میں ضم ہونے کے بعد ختم کر دی گئی ہیں۔
پنجاب، سندھ، خیبرپختونخوا اور بلوچستان کے ہر صوبے سے سات جنرل نشستوں، دو خواتین اور دو ٹیک نوکریٹس/علمائے کرام پر انتخاب ہوگا۔ غیر مسلموں کے لیے دو مخصوص نشستیں سندھ اور پنجاب سے ایک ایک پر کی جائیں گی۔
اسلام آباد سے دو سینیٹرز کا انتخاب کیا جائے گا۔
الیکشن کمیشن جمعرات کو انتخابی شیڈول جاری کرے گا۔ سینیٹ انتخابات کے حوالے سے کاغذات نامزدگی الیکشن کمیشن سیکرٹریٹ اسلام آباد کے علاوہ پنجاب، سندھ، خیبرپختونخوا اور بلوچستان کے صوبائی الیکشن کمشنرز سے حاصل کیے جا سکیں گے۔
امیدوار اپنے کاغذات نامزدگی جمعہ اور ہفتہ کو اپنے متعلقہ ریٹرننگ افسران کے پاس جمع کراسکیں گے ۔
Don’t forget to Subscribe our Youtube Channel & Press Bell Icon.
