غزہ: حماس ترجمان نے کہا ہے کہ یحیا سنوار خیریت سے ہیں اور وہ غزہ میں اسرائیل کے خلاف مزاحمت کی قیادت کر رہے ہیں۔
غیر ملکی خبر رساں ایجنسی کے مطابق حماس کے ترجمان خالد قدومی نے اسرائیل کے یحیا سنوار سے متعلق جھوٹے پراپیگنڈے کو مسترد کر دیا۔
ان نے کہا کہ اسرائیل جھوٹا پراپیگنڈا کررہا ہے تاکہ فلسطینیوں کے حوصلے پست کیے جاسکیں۔ عظیم فلسطینی قوم اس جھوٹ اور فریب کا شکار نہیں ہو گی۔
خالد قومی نے کہا کہ غزہ میں حماس کی عسکری اور سیاسی قیادت پوری طرح رابطے میں ہے۔ اور رابطہ منقطع ہونے والی باتوں میں کوئی صداقت نہیں۔
واضح رہے کہ گزشتہ روز اسرائیل نے حماس کے رہنما یحیا سنوار کی فضائی حملے میں شہادت کا اعلان کیا تاہم ابتدائی تحقیقات میں ان کی شہادت کا کوئی ٹھوس ثبوت نہیں ملا تھا۔
جولائی میں ایران کے دارالحکومت تہران میں اسماعیل ہنیہ کی شہادت کے بعد یحیا سنوار کو حماس کا نیا سربراہ بنایا گیا تھا۔
