غزہ جنگ بندی میں یرغمالیوں کی رہائی کا آج تیسرا مرحلہ شروع ہونے کے بعد غزہ سے 8 یرغمالیوں کو ہلال احمر کے حوالے کر دیا گیا۔
رہا کیے جانے والوں میں خاتون اسرائیلی فوجی سمیت 3 اسرائیلی، 5 تھائی شہری شامل ہیں، بدلے میں 110 فلسطینی قیدیوں کو رہا کیا جائے گا۔
دوسری جانب اسرائیلی فوج نے مغربی کنارے میں فضائی حملہ کرکے 10 فلسطینی شہید کردیے۔
چوبیس گھنٹوں میں غزہ کے اسپتالوں میں مزید 63 لاشیں لائی گئیں، شمالی غزہ سے جبری بے دخل فلسطینیوں کی واپسی جاری ہے، تین روز میں 5 لاکھ سے زائد فلسطینی واپس پہنچ گئے۔
