اتوار کو نیوزی لینڈ کے ہاتھوں پاکستان کی شکست کے بعد کپتان عماد بٹ کے الفاظ ملک میں قومی کھیل کی حالت کے بارے میں بہت کچھ بولتے ہیں۔ عمان میں ہونے والے ہاکی اولمپک کوالیفائرز ٹورنامنٹ کے تیسرے نمبر کے لیے کھیلے جانے والے میچ میں 2-3 سے ہارنے کا مطلب ہے کہ پاکستان کی ہاکی ٹیم اس سال پیرس اولمپکس میں حصہ نہیں لے سکے گی – یہ مسلسل تیسرے گیمز ہیں جہاں تین بار گولڈ میڈل جیتنے والے ایکشن میں نہیں ہوں گے۔ پیرس گیمز میں کوالیفائر ٹورنامنٹ کی ٹاپ تین ٹیمیں حاصل لیں گی۔ پاکستان اولمپکس میں طویل انتظار کے بعد واپسی حاصل کرنے سےصرف آٹھ منٹ دور تھا۔ پاکستان کو میچ کے 52 ویں منٹ تک 1-2 کی برتری حاصل تھی، لیکن پاکستان کی ہاکی ٹیم نے محض چھ منٹ کے وقفے میں دو گول کھا کر اپنے خواب چکنا چور ہوتے دیکھے۔ پاکستان ہاکی ٹیم کے کپتان جوپریشان دکھائی دے رہےتھے نے کہا کہ کھلاڑی دل شکستہ ہیں لیکن انہوں نےساتھ یہ بھی کہا کہ اُن کی ٹیم نے اپنی پوری کوشش کی اور سب کچھ دیا۔ اُنہوں نے یہ سب کچھ الزامات عائد کرنےسے پہلے ہی کہہ دیا ہے۔
پاکستان ہاکی فیڈریشن کے معزول صدر بریگیڈیئر ریٹائرڈ خالد سجاد کھوکھر کے دور میں پاکستان ہاکی فیڈریشن کی مخدوش حالت کے ساتھ ساتھ اس کی مالی کشمکش بھی کسی سے ڈھکی چھپی نہیں ہے۔ کھلاڑیوں اور کوچنگ سٹاف دونوں کو ان کے الاؤنسز اور کنٹریکٹ تنخواہیں نہیں ملی ہیں۔ کھلاڑیوں پر الزام نہیں لگانا چاہیے۔ انہوں نے مخدوش حالات اور مالی پریشانیوں کے باوجود اپنی پوری کوشش کی ہے۔ ہاکی کے ایک مبصر نے کہا کہ پاکستان نے کئی سالوں بعد اپنی بہترین دفاعی کارکردگی دکھائی ہے۔ لیکن یہ میچ جیتنے کے لیے کافی نہیں تھی۔
Don’t forget to Subscribe our Youtube Channel & Press Bell Icon.
پاکستان ہاکی کو اس کی سابقہ شان میں بحال کرنے کے لیے سنجیدہ اقدامات کی ضرورت ہے۔ انہیں پاکستان ہاکی فیڈریشن سے متعلق معاملات کو حل کرنے کے ساتھ شروع کرنا چاہیے۔ گزشتہ ماہ، بریگیڈیئر ریٹائرڈ خالد سجادکھوکھر کو پی ایچ ایف کے سربراہ کے عہدے سے ہٹا دیا گیا تھا اور کنٹرول کے لیے ٹگ آف وار جاری ہے۔ بریگیڈیئر کھوکھر نے انٹرنیشنل ہاکی فیڈریشن جانے اور پی ایچ ایف کو معطل کرنے کی دھمکی دی تھی۔ لیکن کوالیفائرزٹورنامنٹ کے لیے ٹیم مینجمنٹ نے طارق حسین کو مقرر کیا تھا، جنہیں نگران وزیر اعظم نے پی ایچ ایف کا سربراہ مقرر کیا تھا۔ قیادت کی پریشانیوں نے مسائل کو مزید بڑھا دیا ہے۔ شاید یہ بہتر ہو گا کہ کھیلوں کے انتظام کے پیشہ ور افراد، ہاکی کو بحال کرنے کے منصوبے کے ساتھ، پاکستان ہاکی فیڈریشن کا چارج سنبھال لیں۔
