ایک نئی تحقیق کے مطابق انگور بھی گاجروں کی طرح ہماری آنکھو ں کے لیے انتہائی مفید ہے۔
سنگاپور کی نیشنل یونیورسٹی کے محققین کی ٹیم کی جانب سے 34 افراد پر تحقیق کی گئی جس میں شرکاء کو 16 ہفتوں تک روزانہ ڈیڑھ کپ انگور یا پ (فرضی دوا) کھلائی گئی۔
تحقیق میں انگور کھانے والے افراد میں ایم پی او ڈی، پلازما اینٹی آکسیڈنٹ اور فینولک مواد کی کل مقدار میں فرضی دوا کھانے والوں کی نسبت واضح اضافہ دیکھا گیا۔
ماہرین کے مطابق آنکھوں کو پہنچنے والے بڑے نقصان کی وجہ آکسیڈیٹِو اسٹریس ہے اور انگور اینٹی آکسیڈنٹس سے بھرپور ہوتے ہیں۔ اس وجہ سے انگور کولیسٹرول کو تیزی سے کم کرتے ہیں جس کے بعد اب اس پھل کو ’سُپر-پھلوں‘ کے گروپ میں شمار کیا جارہا ہے۔
Don’t forget to Subscribe our Youtube Channel & Press Bell Icon.
تحقیق میں جن افراد نے انگور نہیں کھائے تھے ان میں نقصان دہ اے جی ای مواد میں واضح اضافہ دیکھا گیا۔
جرنل فوڈ اینڈ فنکشن میں شائع ہونے والی تحقیق میں بتایا گیا کہ آنکھوں کی بیماری کے خطرات میں آکسیڈیٹِو اسٹریس اور اے جی ای کی بلند مقدار شامل ہے۔
محققین نے دیکھا کہ اے جی ای پردہ بصارت کے پٹھوں کے نقصان، خلیاتی فعل کی خرابی اور آکسیڈیٹِو اسٹریس کی صورت متعدد آنکھوں کی بیماریوں کا سبب بن سکتا ہے۔
