اسلام آباد کی احتساب عدالت نے صدر آصف علی زرداری کو پارک لین اور توشہ خانہ گاڑیوں ریفرنسز سے استثنا دے دیا۔
عدالت کے جج ناصر جاوید رانا نے تحریری فیصلہ جاری کرتے ہوئے سربراہ مملکت کے خلاف کیس کی کارروائی روک دی۔
صدر زرداری کی جانب سے آرٹیکل 248 (2) کے تحت دائر درخواست کی بنیاد پر جاری کیے گئے فیصلے میں کہا گیا کہ جب تک وہ صدر کے عہدے پر ہیں ان کے خلاف کوئی کارروائی جاری نہیں رہ سکتی۔
قابل ذکر بات یہ ہے کہ استغاثہ نے صدر کی درخواستوں کی مخالفت نہیں کی، اور عدالت نے برقرار رکھا کہ آئین کے آرٹیکل 248 (2) کے تحت سربراہ مملکت کے خلاف کوئی بھی کیس کا فیصلہ یا کارروائی شروع نہیں کی جا سکتی۔
چنانچہ صدر زرداری کی جانب سے اپنے خلاف مقدمات سے صدارتی استثنیٰ کی درخواستیں منظور کر لی گئیں۔
دریں اثناء پاکستان مسلم لیگ (ن) کے قائد نواز شریف نے بھی توشہ خانہ گاڑیوں ریفرنس کے خلاف درخواست دائر کر دی ہے۔
احتساب عدالت نے نواز شریف کی درخواست پر 23 مئی کو دلائل مقرر کرتے ہوئے اس حوالے سے نوٹس جاری کر دیا۔
Don’t forget to Subscribe our Youtube Channel & Press Bell Icon.
