چارفروری کو چین کے غبارے کو نشانہ بنانے کے بعد امریکا کی جانب سے بات چیت کی درخواست چین نے مسترد کر دی۔
غیر ملکی میڈیا رپورٹس کے مطابق امریکی محکمہ دفاع کا کہناہے کہ فون کال کی درخواست چیف لائیڈ آسٹن اور چینی ہم منصب کے درمیان گفتگو کے لیے کی گئی تھی۔
تاہم چین نےامریکی بات چیت کی درخواست مسترد کردی۔
مزید پڑھیں: https://republicpolicy.com/imran-khan-ka-pakistan-aur-america/
واضح رہے کہ گزشتہ دنوں امریکی لڑاکا طیارے نے چین کے جاسوس غبارے کو مار گرایا
امریکہ کا کہنا تھا کہ جاسوس غبارہ چین کی جانب سے امریکی فضائی حدود کی ناقابل قبول خلاف ورزی ہے، غبارے کو جنوبی کیرولائنا کے ساحل پر نشانہ بنایا گیا۔ تاہم جمعہ کے روز چین نے غبارے کی ملکیت کا اعتراف کرتے ہوئے کہا تھا کہ یہ موسم کی صورتحال جانچنے والا غبارہ تھا جو اپنے راستے سے بھٹک گیا تھا۔ امریکی فضائی حدود میں غبارے کے غیر ارادی داخلے اور صورتحال پر افسوس ہے۔
