واشنگٹن: امریکی محکمہ خارجہ کے پرنسپل نائب ترجمان ویدانت پٹیل نے منگل کو واشنگٹن میں صحافیوں کو بریفنگ دیتے ہوئے کہا کہ عمران خان کی نظربندی پاکستان کا اندرونی معاملہ ہے۔
جب ان سے امریکی ایوان نمائندگان کی قرارداد کے بارے میں پوچھا گیا جس میں پاکستان کے 2024 کے انتخابات میں مداخلت کے دعوؤں کی مکمل اور آزادانہ تحقیقات کا مطالبہ کیا گیا تھا تو ویدانت پٹیل نے کہا کہ ریاستہائے متحدہ امریکہ اور ہمارے جمہوری نظام میں کانگریس حکومت کی ایک الگ لیکن ہم آہنگ شاخ ہے۔
ویدانت پٹیل نے کہا کہ ہم نے مسلسل اور نجی اور عوامی طور پر پاکستان پر زور دیا ہے کہ وہ اپنے آئین اور بین الاقوامی وعدوں کے مطابق اپنے عوام کے حقوق کا احترام کرے۔
انہوں نے کہا کہ ہم حکومت پاکستان پر زور دیتے ہیں کہ وہ انسانی حقوق اور بنیادی آزادیوں کا احترام کرے جن میں اظہار رائے کی آزادی، انجمن کی آزادی، پرامن اجتماع اور مذہب کی آزادی بھی شامل ہے۔
پاکستان بھارت تعلقات پر سوال کے جواب میں ویدانت پٹیل نے کہا کہ امریکہ اپنے پڑوسیوں کے ساتھ زیادہ مثبت تعلقات بنانے والے کسی بھی ملک کا خیر مقدم کرتا ہے،لیکن بالآخر یہ ہندوستان اور پاکستان کے درمیان ہے، یقیناً، ہم اپنے پڑوسیوں کے ساتھ زیادہ مثبت تعلقات بنانے والے کسی بھی ملک کا خیرمقدم کرتے ہیں۔
Don’t forget to Subscribe our Youtube Channel & Press Bell Icon.
