متعدد وجوہات کی بناء پر، زیادہ تر جغرافیائی سیاسی لحاظ سے پاکستان کا اپنے پڑوسیوں کے ساتھ تجارت کا حجم چین کو چھوڑ کر بہت کم ہے۔ امریکی اور سعودی دباؤ کی وجہ سے پاکستان کے ایران کے ساتھ تجارتی تعلقات اچھے نہیں رہے ہیں۔ تاہم ایران کے ساتھ تجارتی تعلقات کو بڑھانے کے لیے چھوٹے اقدامات وقت کے ساتھ کیے جاتے رہے ہیں۔ ان اقدامات میں سےایک احسن قدم ”منڈ پشین بارڈر سس ٹی ننس مارکیٹ“ کا افتتاح ہے۔ بلوچستان اور ایرانی صوبے سیستان بلوچستان کی سرحد پر اس طرح کے چھ اقدامات میں سے ایک مارکیٹ کا افتتاح جمعرات کو وزیر اعظم شہباز شریف اور ایرانی صدر ابراہیم رئیسی نے دونوں ممالک کے درمیان تجارت کو آسان بنانے کے لیے کیا۔ ایران سے بجلی لانے والی 100 میگاواٹ کی ٹرانسمیشن لائن کا بھی افتتاح کیا گیا۔ امید ہے کہ تجارتی تعلقات کو گہرا کرنے کے لیے مزید ٹھوس کوششوں کے ساتھ ان اقدامات کی پیروی کی جائے گی۔ امید ہے کہ سرحدی منڈیوں سے بلوچستان میں انتہائی ضروری اقتصادی سرگرمیوں کو فروغ دینے میں مدد ملے گی، اور سرحدی تجارت کو باقاعدہ بنانے میں مدد ملنی چاہیے۔ جیسا کہ پاکستانی شہر وں میں خاص طور پر کراچی، اسلام آباد اور راولپنڈی، اسمگل شدہ ایرانی مصنوعات سے بھرے ہوئے ہیں۔ تجارت کو باضابطہ بنانے سے ٹیکس ریونیو لانے میں مدد ملے گی، جبکہ پاکستانی مصنوعات کے لیے ایرانی مارکیٹ بھی کھلے گی۔
تجارتی تعلقات کو فروغ دینے کے ساتھ ساتھ، دونوں اطراف کے حکام کو ایران پاکستان گیس پائپ لائن کے تنازع کو حل کرنے کی ضرورت ہے۔ جبکہ ایران نے پائپ لائن اپنی حدود میں تعمیر کر لی ہے، پاکستان نے ابھی تک اپنے حصے کی تعمیر نہیں کی ہے۔ نتیجے کے طور پر، ایران پاکستان کو عدالت میں لے جا سکتا ہے۔ پاکستان کو منصوبے کی تکمیل میں ناکامی پر 18 بلین ڈالر کے جرمانے کا سامنا کرنا پڑ سکتا ہے۔ بدھ کو پبلک اکاؤنٹس کمیٹی میں اس معاملے پر بحث ہوئی، پی اے سی کے چیئرمین نے ریمارکس دیے کہ اگر امریکہ پاکستان کو پائپ لائن کی تکمیل سے روکتا ہے تو ”امریکہ کو جرمانہ ادا کرنا چاہیے“۔اس سے ظاہر ہوتا ہے کہ واشنگٹن کو ناراض کرنے کا خوف پاکستان کو روک رہا ہے۔
پاکستان اتنا بڑا جرمانہ ادا کرنے کا متحمل نہیں ہوسکتا، ملک کے معاشی حالات پہلے سے خرابی کا شکار ہیں۔ معاہدے سے دستبردار ہونا ہمارے متزلزل بین الاقوامی موقف کو بری طرح ظاہر کرے گا اور تہران کے ساتھ تعلقات کو نقصان پہنچے گا۔ ریاست کو پائپ لائن کے مسئلے کو حل کرنا اپنی ترجیح بنانا چاہیے، اور ایران کو یقین دلانا چاہیے کہ وہ اس معاہدے کا احترام کرنے کا ارادہ رکھتا ہے۔ اگر گیس کی قیمت مناسب ہے تو یہ سب کے لیے جیت کی صورت حال ہوگی، کیونکہ پاکستان کو سستی ہائیڈرو کاربن کی ضرورت ہے۔ سعودیوں کو کوئی فکر نہیں ہونی چاہیے کیونکہ وہ خود ایران کے ساتھ باڑ ٹھیک کر رہے ہیں، جب کہ واشنگٹن میں ہمارے دوستوں کو بتانا چاہیے کہ پاکستان کو پائپ لائن معاہدے کا احترام کرنا چاہیے۔ اگر امریکہ دوسری طرف کوئی ایکشن نہیں لیتا جب ہندوستان اور دیگر پابندی والے روس سے تیل خریدتے ہیں، تو اسے کوئی مسئلہ نہیں ہونا چاہیے ،اگر پاکستان ایران سے گیس خریدتا ہے، اور اس کے ساتھ تجارتی تعلقات کو بڑھاتا ہے۔ یوریشین انضمام ایک نیا لفظ ہے، اور اگر پاکستان طاقتور ملکوں کو ناراض کرنے کے خوف سے علاقائی تجارت کو آگے بڑھانے میں ناکام رہتا ہے، تو اس کا ذمہ دار خود ہی ہوگا۔
