ایران کے آرمی چیف جنرل امیر حاتمی نے امریکا اور اسرائیل کو سخت انتباہ جاری کیا ہے کہ اگر کوئی دشمنانہ اقدام کیا گیا تو نہ صرف خطے بلکہ اسرائیل کی سلامتی بھی خطرے میں پڑ جائے گی۔ غیر ملکی میڈیا کے مطابق انہوں نے کہا کہ ایران کی مسلح افواج ہر لمحے ہائی الرٹ پر ہیں اور کسی بھی جارحانہ حرکت کا بھرپور جواب دینے کے لیے تیار ہیں۔
جنرل حاتمی نے اپنی تقریر میں زور دیا کہ آج ایران کی فوج اسرائیل کے ساتھ 12 روزہ جنگ کے مقابلے میں کہیں زیادہ مضبوط، تربیت یافتہ اور باصلاحیت ہے۔ انہوں نے اس بات پر بھی اصرار کیا کہ ایران کی جوہری سائنس اور ٹیکنالوجی کو کسی بھی طاقت کے ذریعے ختم نہیں کیا جا سکتا۔ ان کے مطابق چاہے قوم کے سائنسدان اور فرزند جان کی قربانی ہی کیوں نہ دیں، ایرانی جوہری صلاحیت ہر حال میں برقرار رہے گی اور ملک کے دفاع کے لیے بنیادی ستون کا کام کرتی رہے گی۔
اس موقع پر جنرل حاتمی نے ایران کی قومی سلامتی اور دفاعی تیاریوں کی اہمیت پر بھی زور دیا اور کہا کہ ایرانی افواج کسی بھی خطرے کا سامنا کرنے کے لیے مکمل طور پر تیار ہیں۔
