نومنتخب امریکی صدر ٹرمپ کا کہنا ہے کہ غزہ جنگ کے بارے میں اسرائیلی وزیراعظم نیتن یاہو سے بہت اچھی گفتگو ہوئی جو ہو رہا ہے اس پر تبادلہ خیال کیا۔
ٹرمپ نے اپنے ایک بیان میں کہا کہ میں 20 جنوری کو آجاؤں گا اس معاملے کو پھر دیکھیں گے۔
واضح رہے کہ اسرائیلی وزیراعظم نیتن یایوکی ہفتے کی رات ٹرمپ سے ٹیلیفون پر بات ہوئی تھی۔
فلوریڈا میں میڈیا سے گفتگو کرتے ہوئے ٹرمپ کا مزید کہنا تھا کہ یوکرین جنگ روکنے کے لیے روسی صدر پیوٹن اور یوکرینی صدر سے بات کروں گا، روس یوکرین کی صورتحال مشرق وسطیٰ سے زیادہ مشکل ہوگی۔
