ڈیموکریٹ امیدوار کاملا ہیرس نے انتخابات میں شکست تسلیم کرتے ہوئے ڈونلڈ ٹرمپ کو ٹیلیفون کرکے الیکشن میں کامیابی پر مبارکباد دی۔
کاملا ہیرس نے کہا کہ انتخابی نتائج تسلیم کرنے چاہئیں، جمہوریت کا اصول ہے ہارو تو شکست تسلیم کرو، جمہوریت اور آمریت میں یہی فرق ہے۔
دوسری جانب امریکی صدر جوبائیڈن نے بھی ڈونلڈ ٹرمپ کو جیت پر مبارکباد دیتے ہوئے انہیں وائٹ ہاؤس میں ملاقات کی دعوت دی ، صدر بائیڈن آج جمعرات کو امریکی عوام سے خطاب بھی کریں گے۔
واضح رہے کہ ڈونلڈ ٹرمپ ایک بار پھر امریکا کے صدر منتخب ہو گئے ہیں ، صدارتی انتخابات میں ٹرمپ نے 292 اور کاملا ہیرس نے 226 الیکٹورل ووٹ حاصل کئے۔
