کراچی کے شاہراہ فیصل پر جے یو آئی (ف) کے مظاہرین کو منتشر کرنے کے لیے پولیس نے آنسو گیس اور لاٹھی چارج کا استعمال کیا۔ مظاہرین انتخابی دھاندلی کے خلاف ہڑتال کرتے ہوئے کراچی پریس کلب کی طرف بڑھنے کی کوشش کر رہے تھے۔
تفصیلات کے مطابق پریس کلب کی جانب مارچ کرنے سے روکنے پر مظاہرین مشتعل ہو گئے اور پولیس پارٹی پر پتھراؤ کیا، پولیس نے مظاہرین کو منتشر کرنے کے لیے لاٹھی چارج اور آنسو گیس استعمال کی۔
جے یو آئی ف کی احتجاجی ریلی کی قیادت اس کے صوبائی سربراہ راشد سومرو کر رہے تھے۔
جمعیت علمائے اسلام-فضل (جے یو آئی-ف)، گرینڈ ڈیموکریٹک الائنس اور پاکستان تحریک انصاف (پی ٹی آئی) سمیت اپوزیشن جماعتیں 2024 کے عام انتخابات میں مبینہ دھاندلی کے خلاف اپنے احتجاج میں متحد ہو گئی ہیں۔
فریقین نے سندھ اسمبلی کے باہر احتجاج کیا۔ مظاہرے کے دوران پولیس نے قومی عوامی تحریک کے 10 کارکنوں کو گرفتار کر لیا۔
Don’t forget to Subscribe our Youtube Channel & Press Bell Icon.
