اسلام آباد: حکومت نے 200 یونٹ تک بجلی استعمال کرنے والے صارفین کے لیے بجلی کی قیمت بڑھانےکا فیصلہ واپس لے لیا ہے۔
وفاقی کابینہ نے 200 یونٹ تک بجلی استعمال کرنے والے صارفین کے لیے بجلی کی قیمت میں اضافہ واپس لینے کی منظوری دے دی، وزیراعظم شہباز شریف نے ہنگامی بنیادوں پر سرکولیشن سمری کی وفاقی کابینہ سے منظوری لی۔
جولائی تاستمبر2024 کے لیےماہانہ 200 یونٹ تک والےصارفین کوریلیف دیا جائے گا۔
ذرائع کے مطابق وفاقی حکومت ٹیرف پرریلیف دینے کے لیےتقریبا 50 ارب روپے کی سب سڈی دے گی، وفاقی کابینہ نےبجلی کےفی یونٹ بنیادی ٹیرف میں7 روپے 12 پیسے تک اضافہ منظورکیا تھا۔
اس سےقبل کابینہ نے200یونٹ تک محفوظ اور غیر محفوظ صارفین کے لیےاضافہ منظور کیا تھا، ایک سے100 یونٹ تک محفوظ صارفین کےٹیرف میں 3.95 روپے اضافہ منظور کیا گیا تھا۔
ذرائع کاکہنا ہے کہ ماہانہ101سے200 یونٹ تک محفوظ صارفین کا ٹیرف4.10 روپے بڑھانے کی منظوری دی گئی تھی ، ماہانہ ایک سے100 یونٹ غیرمحفوظ صارفین کےٹیرف میں 7.11وپے اضافہ منظور کیا گیا تھا، ماہانہ101سے200 یونٹ نان محفوظ صارفین کے ٹیرف میں 7.12 روپے اضافہ منظور کیا گیا تھا۔
ذرائع کا بتانا ہے کہ بجلی کے بنیادی ٹیرف میں اضافے کا اطلاق یکم جولائی 2024 سے کرنے کی تجویز ہے، ماہانہ50یونٹ تک لائف لائن صارفین کے لیے فی یونٹ ٹیرف 3.95 روپے برقرار رہے گا، ماہانہ51سے100 یونٹ تک لائف لائن صارفین کے لیے فی یونٹ ٹیرف7.74 روپے برقرار رہے گا۔
Don’t forget to Subscribe our Youtube Channel & Press Bell Icon.
