حال ہی میں مصنوعی ذہانت ٹیکنالوجی میں کئی گنا اضافہ ہوا ہے خاص طور پر مائیکروسافٹ اور گوگل جیسی کمپنیوں میں جہاں صارفین کے ذاتی ڈیٹا کوحاصل کیا جاتا ہے۔ تاہم اب صارفین اپنے ڈیٹا کو محفوظ بنا سکتے ہیں۔
اگرچہ مصنوعی ذہانت ٹیکنالوجی میں کافی بہتری آئی ہے لیکن یہ کہنا غلط نہ ہوگا کہ صارفین نے کو اس کی قیمت بھی چکانی پڑے گی۔ مائیکروسافٹ یا گوگل جیسی کمپنیاں مصنوعی ذہانت ٹیکنالوجی کو مزید بہتر بنانے کیلئے عوام کا ڈیٹا استعمال کرتی ہیں۔ اور اکثر اس میں صارفین کی ذاتی معلومات بھی شامل ہوتی ہیں جس سے صارف کمپنیوں یا لوگوں کی رازداری کا استحصال ہوتا ہے۔
Don’t forget to Subscribe our Youtube Channel & Press Bell Icon.
تاہم اب آپ میٹا پر اپنے ڈیٹا کو کافی حد تک کنٹرول کرسکتے ہیں جسے کمپنی مصنوعی ذہانت کی تربیت کیلئے استعمال کرتی ہے۔ میٹا صارفین کو درخواست فارم جمع کرانے کا آپشن دے رہا ہے جس کے تحت صارف کا ذاتی ڈیٹا کافی حد تک محفوظ ہوجائے گا لیکن بدقسمتی سے فارم میں صرف فریق ثالث کی خدمات اور ذرائع کا احاطہ کیا گیا ہے جس کا مطلب ہے کہ میٹا فیس بک اور انسٹاگرام سروسز کیلئے آپ کا ڈیٹا استعمال کیا جا سکتا ہے۔
علاوہ ازیں میٹا نے درخواست جمع کرائے جانے کے بعد تعمیل کی مدت کی کوئی حد مقرر نہیں کی ہے۔ فارم جمع کرانے سے آپ خود بخود ڈیٹا کو حذف کرنے کے اہل نہیں ہوں گے۔ میٹا آپ کی درخواست موصول ہونے کے بعد اس کا جائزہ لے گا اور ملک کے رازداری کے قوانین کے مطابق عمل کرے گا۔
