نیشنل ایکشن پلان کی اپیکس کمیٹی کا پیر کو موخر ہونے والا اجلاس آج وزیراعظم ہاؤس میں ہوگا۔
اجلاس میں دہشت گردی کے خلاف اقدامات پر بریفنگ دی جائے گی۔
اجلاس میں آرمی چیف، ڈی جی آئی ایس آئی وزرائے اعلیٰ اور وفاقی وزراء شرکت کریں گے۔
اپیکس کمیٹی اجلاس میں دیگر انٹیلی جنس اداروں کے سربراہان بھی شرکت کریں گے۔
اجلاس میں انسدادِ دہشت گردی کے قومی ایکشن پلان پر عمل درآمد کی صورتِ حال سمیت صوبوں اور وفاق کے درمیان کوآرڈی نیشن بہتر بنانے اور انٹیلی جنس معلومات کی مؤثر شیئرنگ پر بھی غور کیا جائے گا۔
