اسلام آباد – پاکستان اور چین نے اس بات پر اتفاق کیا ہے کہ دونوں ممالک بھائی ہیں اور دونوں ممالک کے درمیان دوستی وقت کی آزمائش اور اٹوٹ ہے، یہ بات اختتام پر جاری ہونے والے مشترکہ اعلامیے میں کہی گئی۔
چینی فریق نے اس بات کا اعادہ کیا کہ پاک چین تعلقات اس کے خارجہ تعلقات میں اولین ترجیح ہے۔
پاکستانی فریق نے اس بات پر زور دیا کہ دونوں ممالک کے درمیان تعلقات اس کی خارجہ پالیسی کی بنیاد ہیں۔ دونوں فریق باہمی تعلقات کو سٹرٹیجک اور طویل المدتی نقطہ نظر سے دیکھتے رہیں گے، ترقی کی راہ پر مل کر آگے بڑھیں گے، اور نئے دور میں مشترکہ مستقبل کے ساتھ مزید چین پاکستان کمیونٹی کی تعمیر کو تیز کریں گے۔
اعلامیے میں کہا گیا ہے کہ عوامی جمہوریہ چین کے صدر شی جن پنگ کی دعوت پر اسلامی جمہوریہ پاکستان کے وزیراعظم انوار الحق کاکڑ نے 16 سے 20 اکتوبر تک چین کا دورہ کیا تاکہ وہ تیسرے بیلٹ اینڈ روڈ فورم برائے بین الاقوامی تعاون میں شرکت کریں۔
Don’t forget to Subscribe our Youtube Channel & Press Bell Icon.
بیجنگ میں صدر شی جن پنگ نے وزیراعظم انوار الحق کاکڑ سے ملاقات کی۔ پاکستان کے وزیر اعظم نے وزیر اعظم لی کیانگ اور کمیونسٹ پارٹی آف چائنا کی مرکزی کمیٹی کےسیاسی بیورو کی اسٹینڈنگ کمیٹی کے رکن اور سی پی سی کے مرکزی کمیشن برائے ڈسپلن کے سیکرٹری مسٹر لی ژی سے بھی ملاقات کی۔ چین پاکستان ہمہ موسمی سٹرٹیجک تعاون پر مبنی شراکت داری، مختلف شعبوں میں عملی تعاون اور باہمی دلچسپی کے بین الاقوامی اور علاقائی مسائل پر اتفاق رائےطے پایا۔ دونوں فریقوں نے اس بات کا اعادہ کیا کہ پاک چین تعلقات کی بنیاد پر باہمی اعتماد برقرار ہے۔
دونوں فریقوں نے اپنے اپنے بنیادی مفادات اور اہم خدشات سے متعلق امور پر ایک دوسرے کے لیے اپنی حمایت کا اعادہ کیا۔ پاکستانی فریق نے ون چائنا اصول کے تئیں اپنے پختہ عزم کا اعادہ کیا ۔۔ چینی فریق نے پاکستان کی خودمختاری، قومی آزادی اور علاقائی سالمیت کے تحفظ، پاکستان کے قومی حالات کے مطابق اقتصادی استحکام کی ترقی کے راستے پر گامزن ہونے، دہشت گردی کے خلاف جنگ اور علاقائی اور بین الاقوامی معاملات میں بڑا کردار ادا کرنے میں پاکستان کی حمایت کا اعادہ کیا۔
پاکستانی فریق نے بین الاقوامی تعاون کے تیسرے بیلٹ اینڈ روڈ فورم کی کامیاب تنظیم پر چینی فریق کو گرمجوشی سے مبارکباد دی۔ چینی فریق نے بیلٹ اینڈ روڈ تعاون میں پاکستان کی مسلسل حمایت اور شرکت کو سراہا۔ دونوں فریقوں نے تسلیم کیا کہ بیلٹ اینڈ روڈ منصوبہ عالمی اقتصادی ترقی کا ایک مضبوط محرک ہے، بین الاقوامی اقتصادی تعاون کے لیے ایک پلیٹ فارم فراہم کرتا ہے، دنیا بھر میں مشترکہ ترقی کے لیے جگہ کھولتا ہے ۔
