شمالی کوریا نے اپنا اب تک کا سب سے طاقتور بین البراعظمی بیلسٹک میزائل متعارف کرادیا ہے۔
میڈیا رپورٹس کے مطابق یہ میزائل ایک شاندار فوجی پریڈ کے دوران پیش کیا گیا، جس میں روس اور چین کے اعلیٰ حکام نے بھی شرکت کی۔
یہ پریڈ حکمران جماعت ورکرز پارٹی کے 80 سال مکمل ہونے کے موقع پر منعقد کی گئی۔ تقریب ایسے وقت میں ہوئی جب شمالی کوریا کے سربراہ کم جونگ اُن یوکرین کی جنگ میں روس کے ساتھ یکجہتی کا اظہار کر رہے ہیں۔
تقریب میں کم جونگ اُن کے ساتھ روسی صدر ولادیمیر پوٹن کے قریبی ساتھی دمتری میدویدیف، چین کے وزیرِاعظم لی کیانگ اور ویتنام کے رہنما ٹو لام بھی شریک تھے۔
پریڈ میں شمالی کوریا کے جدید ترین ہتھیار پیش کیے گئے، جن میں سب سے نمایاں نیا اور طاقتور ترین ہواسونگ-20 بین البراعظمی میزائل تھا۔
