پشاور: پاکستان تحریک انصاف (پی ٹی آئی) کے رہنما بیرسٹر گوہر علی خان نے کہا ہے کہ ملک مزید تجربات برداشت نہیں کر سکتا، 8 فروری کو عوام کا فیصلہ سب کو قبول ہونا چاہیے۔
بونیر میں پارٹی کارکنوں سے خطاب کرتے ہوئے بیرسٹرگوہر نے زور دے کر کہا کہ اگرچہ پی ٹی آئی کو بے شمار ناانصافیوں کا سامنا کرنا پڑا ہے، لیکن وہ تمام تنازعات ختم کرنے کو فوقیت دیں گے۔
پی ٹی آئی رہنما نے نشاندہی کی کہ 175 سیاسی جماعتوں میں سے پی ٹی آئی نے اپنے انٹرا پارٹی انتخابات کو موثر انداز میں کرایا۔
انہوں نے کہا کہ الیکشن کمیشن آف پاکستان نے مولانا فضل الرحمان کی جمعیت علمائے اسلام کے 40/40کمرے میں ہونے والے انٹرا پارٹی انتخابات اور زرداری کے ڈرائنگ روم میں ہونے والے پی پی پی کے انٹرا پارٹی انتخابات کو قبول کر لیا ہے۔
ان کا کہنا تھا کہ مسلم لیگ (ن) اور پیپلز پارٹی نے کسی صوبے میں انٹرا پارٹی الیکشن نہیں کروائے۔ انہوں نے مزید کہا کہ دونوں جماعتوں نے صرف چار نشستوں کے لیے الیکشن کروائے اور ان کو بھی ای سی پی نے انٹرا پارٹی انتخابات کے طور پر قبول کیا۔
Don’t forget to Subscribe our Youtube Channel & Press Bell Icon.
پی ٹی آئی کے سربراہ نے سوال کیا کہ بھری اسمبلی میں پی ٹی آئی کے انٹرا پارٹی انتخابات کو کیوں قبول نہیں کیا گیا۔
پی ٹی آئی کے انتخابی نشان “بلے” سے دستبرداری کے حوالے سے گوہر نے زور دے کر کہا کہ وہ اپنا کھویا ہوا نشان دوبارہ حاصل کر لیں گے۔
گوہر نے کہا کہ پی ٹی آئی کو عدلیہ اور ریاستی اداروں سے شکایات ہیں لیکن پارٹی نے مسلسل عدلیہ پر اعتماد کیا۔
گوہر نے زور دیا کہ الیکشن والے دن عوام کی آواز کی راہ میں رکاوٹ نہیں بننا چاہیے۔ انہوں نے پی ٹی آئی کے کارکنوں پر زور دیا کہ وہ 8 فروری کو صبر و تحمل کا مظاہرہ کریں۔
