پاکستان کو2023میں درپیش اہم مسائل سیاسی افراتفری، معاشی عدم استحکام اور دوبارہ پیدا ہونے والی دہشت گردی تھے، اور اگر ملک کو استحکام کی راہ پر گامزن کرنا ہے تو نئی حکومت کو 2024 میں ان سے نمٹنا ہوگا۔
یہ کہنے کی ضرورت نہیں کہ تینوں مسائل ایک دوسرے سے جڑے ہوئے ہیں، اور صرف ایک قابل اعتماد الیکشن ہی ایک غیر متنازعہ انتظامیہ کو جنم دے سکتا ہے جو ان وجودی مسائل کو حل کر سکتا ہے۔ کوئی اور نتیجہ – خاص طور پر وہ جس کا انتظام غیر جمہوری طریقے سے کیا جاتا ہے – ہمارے مصائب کو مزید گہرا کرے گا۔
پاکستان کو درپیش معاشی چیلنج تو 2023 میں ٹل گیا تھا لیکن اس کامطلب یہ نہیں ہے کہ ہم مستقل طور پر ایسی صورتحال سے نکل گئے ہیں۔ جیسا کہ مبصرین کا کہنا ہے کہ معاشی استحکام تب تک ممکن نہیں جب تک ہم اپنی اقتصادی بنیادوں کو درست نہیں کرتے، اور اگر ہم ایسا کرنے میں ناکام ہوتے ہیں تو اگلا مالیاتی بحران شاید زیادہ دور نہ ہو۔ اگرچہ خلیج میں ہمارے دوستوں کے اربوں ڈالر دینے کے وعدے یقین دلا رہے ہیں لیکن اس کا مطلب یہ نہیں کہ ہم اپنے ملک کو چلانے کے لیے دوسروں کی خیر خواہی پر انحصار کریں۔
مزید برآں، اشرافیہ کو مالیاتی اصلاح اور کفایت شعاری کا سب سے بڑا بوجھ اٹھانا ہوگا، نہ کہ محنت کش عوام جو پہلے ہی ریکارڈ مہنگائی سے پسے ہوئے ہیں۔مالی حل صرف سیاسی استحکام کے ذریعے ہی حاصل کیا جا سکتا ہے، جس سے ملک گزشتہ کئی سالوں سے محروم ہے۔ انتخابات کے عمل سے قبل تنازعہ جاری ہے، اور اگر 2024 کے انتخابات کو رائے دہندگان اور اہم سیاسی کھلاڑیوں نے غیر منصفانہ قرار دیا تو پاکستان عدم استحکام کا شکار رہے گا۔ درحقیقت، مستقبل کی تمام ریاستی پالیسیوں کی کامیابی ایک غیر متنازعہ، جمہوری طور پر منتخب سیٹ اپ سے منسلک ہے۔
Don’t forget to Subscribe our Youtube Channel & Press Bell Icon.
دہشت گردی کے حوالے سے، 2023 میں کالعدم ٹی ٹی پی اور اس کے اتحادی گروپوں کے حملوں میں بہت زیادہ اضافہ دیکھنے میں آیا، جن میں زیادہ تر سکیورٹی فورسز کو نشانہ بنایا گیا۔ آنے والے نظام کو تیزی سے کام کرنا ہوگا اس سے پہلے کہ یہ عسکریت پسندانہ حملے ایک بھرپور دہشت گرد شورش میں تبدیل ہو جائیں ۔
نئے سیٹ اپ کو ایک فعال خارجہ پالیسی بھی ترتیب دینا ہوگی۔ بڑا خطہ – خلیج اور مشرق وسطیٰ – کے حالات کشیدہ ہو رہے ہیں، اگر معاملات وسیع طور پر بگھڑ گئے تو پاکستان کو جغرافیائی سیاسی، اقتصادی اور فوجی نتائج کے لیے تیار رہنا چاہیے۔
دریں اثنا، بھارت کے ساتھ تعلقات انتہائی خراب حالت میں ہیں، اور بعد میں 2024 میں، نئی حکومت کو نئی دہلی کے ساتھ بھی معاملات دیکھنے ہوں گے۔ پاکستان اور بھارت کےکانٹے دار تعلقات کو سنبھالنا، امن کے عمل کو پھر سے متحرک کرنا اور مسئلہ کشمیر کا منصفانہ حل تلاش کرنا، بھارت کے ساتھ تعلقات کے حوالے سے بڑے چیلنجز ہوں گے۔
اتنا کہنا ہی کافی ہے کہ اگلی انتظامیہ کے لیے گڈ گورننس آسان نہیں ہوگا۔ ریاستی ادارے 2024 میں دو میں سے کوئی ایک راستہ اختیار کر سکتے ہیں: پہلا راستہ آئینی حکم کا احترام اور ایک زیادہ ترقی پسند ملک کی تعمیر کے لیے کام کرنا؛ دوسرا یہ کہ ایسے ہی خراب راستے پر چلتے رہیں، اور نتائج کا سامنا کرنے کے لیے تیار رہیں۔
