اماراتی صدر شیخ محمد بن زاید اور روسی صدر ولادیمیر پیوٹن کی کریملن میں ملاقات ہوئی، جس میں دونوں رہنماؤں نے خطے کی صورتحال اور دوطرفہ تعلقات پر تبادلہ خیال کیا۔
کریملن میں شیخ محمد بن زاید کے اعزاز میں سرکاری استقبالیہ تقریب منعقد ہوئی، اور روسی فضائیہ نے ان کے طیارے کو اعزازی سلامی دی۔
ملاقات میں اسرائیل-فلسطین تنازعے پر دو ریاستی حل کی بنیاد پر منصفانہ اور دیرپا امن کے حصول پر زور دیا گیا اور مشرقِ وسطیٰ میں فوری اور مؤثر اقدامات کی ضرورت پر بات ہوئی۔
عرب امارات اور روس کی اہم اور طویل مدتی شراکت کو مضبوط بنانے پر بھی اتفاق کیا گیا، اور تجارت، سرمایہ کاری، ٹیکنالوجی، خلائی تحقیق اور توانائی کے شعبوں میں تعاون بڑھانے کی اہمیت پر زور دیا گیا۔
عالمی امن و استحکام کے لیے مذاکرات اور پرامن حل کے اقدامات پر بھی بات ہوئی، جبکہ اقتصادی معاہدوں کے ذریعے دونوں ممالک کے درمیان تجارت اور سرمایہ کاری کے فروغ کی توقع ظاہر کی گئی۔
ملاقات میں روس اور یوکرین کے قیدیوں کے تبادلے میں امارات کی ثالثی کو سراہا گیا اور یوکرین بحران کے حل کے لیے سفارتی کوششیں تیز کرنے پر بھی اتفاق ہوا۔
