نگراں وزیراعظم انوار الحق کاکڑ نے کہا ہے کہ تمام اسٹیک ہولڈرز کی اجتماعی کوششوں سے کامیابی سے معیشت دوبارہ پٹڑی پر آگئی ہے۔
ان خیالات کا اظہار انہوں نے آج پاکستان اسٹاک ایکسچینج کی جانب سے جاری کردہ سرکاری اظہار سکوک بانڈ کی پہلی نیلامی کے موقع پر منعقدہ تقریب سے خطاب کرتے ہوئے کیا۔
وزیراعظم نے کہا کہ بین الاقوامی مالیاتی فنڈ کے ساتھ اسٹینڈ بائی معاہدے پر کامیاب دستخط، سالانہ بجٹ 2023-24 پر عملدرآمد اور مالیاتی اور بیرونی کھاتوں میں بہتری کے بعد سرمایہ کاروں کا اعتماد بحال ہوا ہے۔
انہوں نے تمام اسٹیک ہولڈرز کو پی ایس ایکس کے ذریعے گورنمنٹ اجارہ سکوک کی نیلامی پر مبارکباد دی۔انہوں نے پاکستان اسٹاک ایکسچینج کی موجودہ کارکردگی کو بھی سراہتے ہوئے کہا کہ اس کا قومی معیشت میں اہم کردار ہے۔
Don’t forget to Subscribe our Youtube Channel & Press Bell Icon.
وزیراعظم نے کہا کہ ابتدائی طور پر، پاکستان کی معیشت کو 2023-2024 کے آغاز میں متعدد چیلنجز کا سامنا کرنا پڑا، لیکن حکومت نے صورتحال کو سدھارنے کے لیے ساختی اور میکرو اکنامک مسائل کو حل کیا۔ انہوں نے کہا کہ اسٹاک ایکسچینج میں تیزی کا جذبہ بہتر معیشت، غیر ملکی سرمایہ کاروں کی شرکت، زیادہ پیداوار اور مستحکم شرح مبادلہ سے ممکن ہے۔
تقریب سے خطاب کرتے ہوئے نگراں وزیر خزانہ شمشاد اختر نے پاکستان اسٹاک ایکسچینج کے ذریعے سرکاری سکوک کی نیلامی شروع کرنے پر وزیراعظم کا خیرمقدم کیا۔
انہوں نے کہا کہ اجارہ سکوک ایک یادگار اور اختراعی پروڈکٹ ہے جو پہلی بار اسٹیٹ بینک سے آگے شروع کی گئی ہے جس کا حکومتی سکیورٹیز پر مکمل کنٹرول ہے۔
