امریکی صدر ڈونلڈ ٹرمپ نے نائیجیریا میں مسیحی برادری کے خلاف بڑھتے ہوئے تشدد پر سخت ردِعمل ظاہر کرتے ہوئے نائیجیریا کے خلاف ممکنہ فوجی کارروائی کی تیاری کا حکم دے دیا ہے۔
سوشل میڈیا پلیٹ فارم “سوشل لنک” پر جاری اپنے پیغام میں ٹرمپ نے کہا کہ اگر نائیجیرین حکومت مسیحیوں کے قتل عام کو روکنے میں ناکام رہی تو امریکہ نائیجیریا کے لیے تمام مالی امداد معطل کر دے گا۔
ٹرمپ نے اپنے بیان میں یہ بھی کہا کہ انہوں نے محکمہ دفاع کو ہدایت دی ہے کہ نائیجیریا میں ممکنہ فوجی کارروائی کے لیے مکمل تیاری کی جائے۔ ان کے مطابق، “امریکا کے پاس وہ طاقت موجود ہے جس سے نائیجیریا میں سرگرم دہشت گرد گروہوں کو ختم کیا جا سکتا ہے، ہم خاموش تماشائی نہیں بنیں گے۔”
صدر کے اس حکم کے بعد امریکی وزیرِ دفاع پیٹ نے کہا، “جی سر، ہم نائیجیریا میں آپریشن کے لیے مکمل تیار ہیں اور تمام آپشنز کا جائزہ لے رہے ہیں۔”
اطلاعات کے مطابق، نائیجیریا کے مختلف علاقوں میں حالیہ مہینوں کے دوران فرقہ وارانہ تشدد میں اضافہ ہوا ہے، جس کے نتیجے میں متعدد مسیحی شہری ہلاک اور کئی عبادت گاہیں تباہ ہو چکی ہیں۔
