سعودی عرب نے یوکرین میں جنگ بندی کیلئے امریکی صدر ڈونلڈ ٹرمپ اورروسی صدر پیوٹن ملاقات کی میزبانی پرآمادگی ظاہر کردی۔
ترجمان سعودی حکومت کے مطابق ہمارے لیے امریکی اورروسی صدورکی میزبانی باعث مسرت ہے، ڈونلڈٹرمپ اورولادیمیر پیوٹن کے درمیان ٹیلی فونک رابطہ بڑ ی پیشرفت ہے۔
ترجمان نے کہا کہ یوکرین اورروس کے درمیان امن کیلئے مصالحتی کوششیں جاری رکھیں گے، سعودی ولی عہد محمدبن سلمان کی قیادت میں یوکرین میں امن بحال ہوگا۔
خیال رہے کہ گزشتہ دن امریکی صدرڈونلڈ ٹرمپ اور روسی صدرولادیمیر پیوٹن کا ٹیلیفونک رابطہ ہوا تھا روسی صدر پیوٹن نے ڈونلڈ ٹرمپ کو ماسکو آنے کی دعوت دی، مستقبل میں ملاقات پراتفاق بھی ہوا تھا۔
