امریکی صدر ڈونلڈ ٹرمپ نے بھارت کو خبردار کیا ہے کہ اگر دونوں ممالک کے درمیان تجارتی معاہدہ نہ ہوا تو بھارت پر 25 فیصد ٹیکس عائد کر دیا جائے گا۔
صحافیوں سے گفتگو کرتے ہوئے صدر ٹرمپ نے کہا کہ اب تک امریکا اور بھارت کے درمیان کوئی تجارتی معاہدہ طے نہیں پایا، اور اگر بات نہ بنی تو واشنگٹن نئی دہلی پر 25 فیصد ٹیرف لاگو کرے گا۔
انہوں نے مزید کہا کہ بھارت امریکا کا ایک اچھا دوست رہا ہے، لیکن حقیقت یہ ہے کہ بھارت تقریباً تمام ممالک کے مقابلے میں سب سے زیادہ ٹیرف وصول کرتا ہے۔
یاد رہے کہ اپریل میں صدر ٹرمپ نے بھارتی مصنوعات پر 26 فیصد ٹیرف لگانے کا اعلان کیا تھا، تاہم اس پر عمل درآمد جولائی تک ملتوی کر دیا گیا تھا۔
ٹرمپ نے اس سے قبل ایپل کمپنی کو خبردار کیا تھا کہ اگر اس نے امریکا میں آئی فونز کی تیاری شروع نہ کی تو اسے 25 فیصد ٹیکس کا سامنا کرنا پڑے گا۔ اسی طرح صدر ٹرمپ نے کار ساز کمپنی ٹیسلا کا مینوفیکچرنگ پلانٹ بھارت میں قائم ہونے سے بھی رکوا دیا تھا۔
