نگراں وفاقی کابینہ نے پاکستان کرکٹ بورڈ کے چیئرمین ذکا اشرف کی مدت ملازمت میں تین ماہ کی توسیع کر دی ہے۔
وزارت بین الصوبائی رابطہ کی جانب سے جاری نوٹیفکیشن کے مطابق پی سی بی مینجمنٹ کمیٹی کے اختیارات محدود کر دیے گئے ہیں۔
نوٹیفکیشن میں کہا گیا ہے کہ پی سی بی مینجمنٹ کمیٹی کوئی اعلیٰ سطح پر تقرریاں نہیں کر سکتی۔پی سی بی مینجمنٹ کمیٹی روزمرہ کے معاملات نمٹائے گی اور پالیسی فیصلے نہیں کر سکتی۔نوٹیفکیشن میں یہ بھی کہا گیا ہے کہ پی سی بی مینجمنٹ کمیٹی کو تین ماہ سے زیادہ کی توسیع نہیں ملے گی۔
Don’t forget to Subscribe our Youtube Channel & Press Bell Icon.
پی سی بی نے کہا کہ ذکا اشرف کی زیرقیادت پی سی بی مینجمنٹ کمیٹی جولائی 2023 میں چار ماہ کی مدت کے لیے تشکیل دی گئی تھی، اور نگران وزیر اعظم نے پی سی بی کے سرپرست کے طور پر اپنا اختیار استعمال کرتے ہوئے تین ماہ کی توسیع دی ہے۔
جمعرات کو سابق پاکستانی کرکٹر شاہد آفریدی نے نگراں وزیر اعظم انوار الحق کاکڑ سے بھی ملاقات کی جس میں پاکستان کی کرکٹ سے متعلق مختلف پہلوؤں پر تبادلہ خیال کیا گیا۔
