صدر آصف علی زرداری کی طبیعت ناساز ہو گئی جس کے بعد انہیں نجی اسپتال منتقل کردیا گیا ہے۔
ذرائع بلاول ہاؤس کے مطابق صدر آصف علی زرداری کو بخار اور سینے میں انفیکشن کی شکایت ہے،نجی اسپتال میں ڈاکٹرز کی ٹیم صدر مملکت کا معائنہ کر رہی ہے۔
وزیراعظم شہبازشریف نے صدر مملکت آصف زرداری سے رابطہ کیا اور انکی خیریت دریافت کی،وزیراعظم شہبازشریف نے صدر مملکت کی جلد صحت یابی کیلئے دعا کی ،انہوں نے کہا پوری قوم کی دعائیں آپ کیساتھ ہیں۔
گورنرسندھ کامران ٹیسوری نے صدر مملکت آصف زرداری کے معالج سے رابطہ کیا،انہوں نے صدرمملکت کی خیریت معلوم کی اور نیک خواہشات کااظہارکیا۔
