جسٹن ٹروڈوکےاقتدارکا سفر ختم ہونے کے بعد کینیڈا کے نئے وزیراعظم مارک کارنی نےعہدے کا حلف اٹھا لیا۔
عالمی خبررساں ادارے کے مطابق کینیڈا کے 59 سالہ وزیراعظم مارک کارنی کی نئی کابینہ کے وزرا نے بھی اپنے عہدوں کا حلف اٹھا لیا ہے۔
مارک کارنی سیاست دان اور ایک سابق بینکر ہیں تاہم پہلی بارکوئی عوامی عہدہ سنبھال رہے ہیں، اس طرح مار کارنی کینیڈا کے وزیراعظم بننے والے وہ واحد شخص بن گئے ہیں جو اب تک کسی پارلیمنٹ کے رکن نہیں رہے تھے۔
یاد رہے کہ جسٹن ٹروڈو نے جنوری میں استعفا دینے کا اعلان کیا تھا ان کے مستعفی ہونے کے بعد حکمراں جماعت لبرل پارٹی نے مارک کارنی کے نام کا اعلان کیا تھا۔
مارک کارنی نے 9 مارچ کو لبرل پارٹی کے رہنما کے طور پر بھاری اکثریت سے انتخاب جیتا جس کے بعد جسٹن ٹروڈو سبکدوش ہوگئے۔
