دہشت گردوں نے کوئٹہ سے پشاور جانے والی جعفر ایکسپریس پر حملہ کر دیا جس کے بعد سکیورٹی فورسزکا کلیئرنس آپریشن جاری ہے،155 یرغمال مسافروں کوبازیاب کرا لیا گیا ہے جبکہ 27 دہشت گرد ہلاک اور متعدد زخمی ہوگئے۔
بازیاب کروائے جانے والوں میں31 عورتیں اور 15 بچے بھی شامل ہیں،سکیورٹی ذرائع کا کہنا ہے کہ باقی مسافروں کی باحفاظت بازیابی کیلئے سکیورٹی فورسز کوشاں ہیں،دہشت گرد اپنے بیرون ملک ہینڈلرز سے بذریعہ سیٹ لائٹ فون رابطے میں ہیں۔
چھوٹی ٹولیوں میں تقسیم دہشت گردوں کے گرد گھیرا تنگ کر دیا گیا،سکیورٹی فورسزاوردہشت گردوں کےدرمیان شدید فائرنگ کاسلسلہ جاری ہے۔
سکیورٹی فورسزکی اضافی نفری علاقےمیں آپریشن میں شریک ہے،زخمی مسافروں کو قریبی اسپتال منتقل کردیا گیا ہے
