وزیراعظم شہباز شریف 2روزہ دورہ پر آذربا ئیجان پہنچ گئے،نائب وزیر اعظم اسحاق ڈار، وفاقی وزراء جام کمال ، عبدالعلیم خان،عطا تارڑ اور دیگر ہمراہ ہیں۔
وزیر اعظم شہباز شریف آذربائیجان کے صدر سے ملاقات کریں گے،دونوں رہنماؤں کی ملاقات میں باہمی دلچسپی کے شعبوں پر بات چیت ہوگی۔
توانائی، تجارت، دفاع اورتعلیم کےشعبوں میں تعاون بڑھانے پربھی بات چیت ہو گی،تعاون کے متعدد شعبوں میں مفاہمتی یادداشتوں و معاہدوں پر دستخط کیے جائیں گے،وزیر اعظم باکو میں بزنس فورم سے بھی خطاب کریں گے۔
وزیراعظم شہبازشریف نے اپنے بیان میں کہا کہ پاکستان،آذربائیجان تعلقات کو مزید مضبوط بنانے کیلئے نتیجہ خیز بات چیت کے منتظر ہیں۔
ہم تجارت اور سرمایہ کاری پر مبنی تعلقات کو بڑھانے کے خواہشمند ہیں۔
