پاکستان اور افغانستان کے درمیان سعودی عرب میں ہونے والے امن مذاکرات بے نتیجہ ختم ہوگئے، تاہم دونوں ممالک نے جنگ بندی جاری رکھنے پر اتفاق کیا ہے۔
خبررساں ایجنسی رائٹرز کے مطابق یہ تیسرا دور تھا جس میں جنگ بندی کے معاملات پر بات چیت ہوئی اور جس کی میزبانی سعودی عرب، ترکی اور قطر نے مشترکہ طور پر کی۔
رپورٹ میں کہا گیا ہے کہ مذاکرات کے دوران کوئی بڑی پیشرفت نہیں ہوئی، لیکن دونوں فریقین نے یہ وعدہ کیا کہ سیز فائر کو برقرار رکھا جائے گا۔
پاکستان اور افغانستان کے درمیان یہ اجلاس پچھلے مذاکرات کا تسلسل تھا، جس میں ثالثی کے طور پر قطر، ترکی اور سعودی عرب شامل تھے۔
واضح رہے کہ اکتوبر میں افغانستان کی جانب سے سرحدی خلاف ورزی اور جارحیت کی گئی تھی، جس پر پاکستان نے بھرپور جواب دیا، کئی ٹھکانے تباہ کیے اور متعدد افغان طالبان کے اہلکار ہلاک ہوئے تھے۔
