مشہور مغنیہ گوہر جان ایک مرتبہ الٰہ آباد گئی اور جانکی بائی کے مکان پر ٹھہری۔
جب گوہر جان رخصت ہونے لگی تو اپنی میزبان سے کہا کہ میرا دل خان بہادر سید اکبر حسین سے ملنے کو بہت چاہتا ہے۔
دونوں دوسرے دن اکبر آبادی کے ہاں پہنچیں۔ جانکی بائی نے تعارف کرایا اور کہا کہ یہ کلکتہ کی مشہور و معروف مغنیہ گوہر جان ہیں۔ آپ سے ملنے کا بے حد اشتیاق تھا۔
اکبر نے کہا’’زہے نصیب، ورنہ نہ میں نبی ہوں، نہ امام، نہ غوث، نہ قطب اور نہ کوئی ولی جو قابلِ زیارت خیال کیا جاؤں، پہلے جج تھا اب ریٹائر ہو کر صرف اکبر رہ گیا ہوں، حیران ہوں کہ آپ کی خدمت میں کیا تحفہ پیش کروں‘‘۔
‘‘گوہر نے کہا’’یادگار کے طور پر ایک شعر ہی لکھ دیجیے
اکبر الٰہ آبادی نے کاغذ پر یہ لکھ کے حوالے کیا:۔
کون خوش بخت ہے اس دنیا میں گوھر کے سوا
سب تو دے رکھا ہے اللہ نے شوہر کے سوا
