امریکی قومی سلامتی کے مشیر جیک سلیوان نے کہا ہے کہ بائیڈن انتظامیہ کو خدشہ ہے کہ ایران جوہری ہتھیار بنا سکتا ہے۔
انہوں نے کہا کہ ڈونلڈ ٹرمپ کی ٹیم کو ایران کے جوہری ہتھیار کے خطرے سے آگاہ کیا ہے۔
واشنگٹن میں گفتگو کرتے ہوئے امریکی قومی سلامتی مشیر نے کہا کہ شامی صدر بشارالاسد کے زوال سے ایران کے علاقائی اثر و رسوخ کو دھچکا لگا
جیک سلیوان کا کہنا تھا کہ ایران کہتا ہے کہ اس کا جوہری پروگرام پُرامن ہے، ایران نے یورینیم کی افزودگی کو بڑھایا ہے۔
امریکی قومی سلامتی کے مشیر نے کہا کہ خدشہ ہے کہ ایران جوہری ہتھیار نہ بنانے کے وعدے سے پیچھے ہٹ جائے گا۔
انہوں نے کہا کہ اسرائیل کے ایرانی فوجی تنصیبات کو نشانہ بنانے سے جوہری ہتھیار بنانے کی صلاحیت کم ہوئی۔
جیک سلیوان نے کہا کہ ایران کی کمزور پوزیشن ڈونلڈ ٹرمپ کو تہران سے سفارتکاری میں معاون ثابت ہوگی۔
