لاہور: چیف آف آرمی اسٹاف جنرل عاصم منیر نے تاجر برادری کو ڈالر کے تبادلے اور انٹربینک ریٹ میں شفافیت کو فروغ دینے کی یقین دہانی کروائی ہے۔
سی او اے ایس نے لاہور کور ہیڈ کوارٹر میں منعقدہ ایک میٹنگ میں تاجر برادری سے بات کرتے ہوئے کہا کہ منی ایکسچینج والوں کو ٹیکس کے دائرے میں لایا جائے گا، ڈالر کے تبادلے اور انٹربینک ریٹ میں شفافیت کو فروغ دیا جائے گا۔
آرمی چیف نے” ایس آئی ایف سی “کے اہم کردار کو اجاگر کرتے ہوئے سعودی عرب، متحدہ عرب امارات، کویت اور دیگر ممالک سے 100 بلین ڈالر تک کی خاطر خواہ سرمایہ کاری کو راغب کرنے کی صلاحیت پر زور دیا۔ معاشی فیصلہ سازی کو تقویت دینے کے لیے، انہوں نے اقتصادی معاملات اور مختلف شعبوں پر توجہ مرکوز کرنے والی ٹاسک فورسز کی تشکیل کا انکشاف کیا۔
Don’t forget to Subscribe our Youtube Channel & Press Bell Icon.
لاہور چیمبر آف کامرس اینڈ انڈسٹری کے ترجمان کے مطابق ایل سی سی آئی کے صدر کاشف انور نے ممتاز کاروباری شخصیات کے ہمراہ سی او اے ایس سے ملاقات کی، جس میں ملک کی اقتصادی راہداری پر اہم بات چیت ہوئی۔ اس موقع پر عبوری وزیر اعلیٰ محسن نقوی بھی موجود تھے۔
ایل سی سی آئی کے سربراہ نے انتخابات سے قبل ’چارٹر آف اکانومی‘ پر زور دیا۔
پاکستان کے معاشی منظر نامے میں شرح مبادلہ کے اہم کردار کو تسلیم کرتے ہوئے، ایل سی سی آئی کے صدر نے انٹربینک اور اوپن مارکیٹ دونوں میں امریکی ڈالر کی قیمتوں پر زیادہ سے زیادہ کنٹرول کرنے پر زور دیا۔
