اسلام آباد – الیکشن کمیشن آف پاکستان نے انتخابی شیڈول کا جلد از جلد اعلان کرنے کے لیے حلقہ بندیوں کی مدت میں مزید ایک ماہ کی کمی کرنے کا فیصلہ کیا ہے۔
ترجمان الیکشن کمیشن کا کہنا ہے کہ الیکشن کمیشن جلد از جلد انتخابات کروانا چاہتا ہے ، اسی لیے سیاسی جماعتوں سے مشاورت کے بعد فیصلہ کیا گیا ہے کہ حلقہ بندیاں 30 نومبر تک فائنل کر لی جائیں گی۔
ترجمان کے مطابق حد بندی کے ٹائم فریم کو کم کرنے کا مقصد جلد از جلد انتخابات کروانا ہے۔الیکشن کمیشن کے ترجمان نے مزید کہا کہ انتخابات کے شیڈول کا اعلان اس تاریخ کو ذہن میں رکھتے ہوئے کیا جائے گا۔
Don’t forget to Subscribe our Youtube Channel & Press Bell Icon.
ای سی پی نے یہ بھی دعویٰ کیا ہے کہ وہ حلقوں کی حد بندی اور انتخابی فہرستوں کو ساتھ ساتھ اپ ڈیٹ کرنے پر کام کر رہا ہے تاکہ یہ یقینی بنایا جا سکے کہ کام کم سے کم وقت میں مکمل ہو ۔
ای سی پی نے یہ بھی کہا کہ حلقہ بندیوں کے عمل کے شیڈول کو مدنظر رکھتے ہوئے انتخابات کی تاریخ کا اعلان بھی کیا جائے گا، انہوں نے مزید کہا کہ تاریخ کا اعلان جماعتوں کے ساتھ بات چیت کے بعد کیا گیا۔
