سابق وفاقی وزیر فواد چوہدری نے کہا ہے کہ گرفتاریوں سے اور پکڑ دھکڑ سے ملک نہیں چلتے، بلاول بھٹو جیت کے نشان بنا رہے تھے اب کہتے ہیں ، لاعلم ہیں۔
فواد چوہدری نے کہا کہ آئندہ 45 روز میں یہ حکومت آپ کو ختم ہوتی نظر آئے گی ، حکومت ریت کی دیوار ہے اب آخری دھکا باقی ہے۔
انہوں نے کہا کہ حکومت کو پتہ ہے بانی پی ٹی آئی کو جیل کے دروازے پر لانا بھی انقلاب کو دعوت دینا ہے، جس دن بانی پی ٹی آئی جیل سے رہا ہونگے سڑکوں پر لوگوں کا جم غفیر ہو گا۔
ان کا مزید کہنا تھا کہ حکومت بوکھلاہٹ کا شکار ہے، حکمران ٹولے نے لوگوں کو تقسیم کر دیا ہے، اس حکومت کی تمام پالیسیوں کی بنیاد ظلم اور بربریت ہے، ملک میں جمہوریت کا تماشا بن کر رہ گیا ہے۔
فواد چوہدری نے کہا کہ ئین کا بنیادی ڈھانچہ تبدیل نہیں کیا جا سکتا، آئینی ترامیم کا ایک ہی مقصد کہ ملک میں نیا پی سی او لگایا جائے، یہ ناپسندیدہ ججز کو باہر کرکے پسندیدہ ججز کو لانا چاہتے ہیں۔
انہوں نے کہا کہ پورا ملک اس وقت وکلاء کے پیچھے کھڑا ہے، سینئرترین جج چیف جسٹس ہوں گے۔
