عمران خان کی جانب سے دائر حق دفاع بحالی کی درخواست پر سماعت منسوخ ہو گئی۔
اسلام آباد ہائی کورٹ کے چیف جسٹس عامر فاروق آج طبیعت ناسازی کی وجہ سے رخصت پر ہیں۔ جس کی وجہ سے چیف جسٹس عامر فاروق کی عدالت کے تمام مقدمات کی کازلسٹ منسو خ ہو گئی ہے۔ چیئرمین پی ٹی آئی عمران خان کی حق دفاع بحالی کی درخواست کی سماعت بھی منسوخ ہو گئی ہے۔
اس سے قبل ٹرائل کورٹ نے توشہ خانہ کیس میں عمران خان کا حق دفاع ختم کر دیا تھا۔ ٹرائل کورٹ نے ہائیکورٹ میں زیر سماعت درخواست سے پہلے ہی فیصلہ کر دیا تھا۔
