غزہ کے کمال عدوان ہسپتال پر اسرائیلی حملے میں 6 فلسطینی شہید ہوگئے۔
خبر رساں اداروں کے مطابق کمال عدوان ہسپتال کے ڈائریکٹر کا کہنا ہے کہ اسرائیلی فضائی حملے میں طبی عملے کے اہلکار شہید ہوئے ہیں۔
ڈائریکٹر حسام ابو صفیہ نے اپنے بیان میں کہا کہ شہید ہونے والوں میں ایک ڈاکٹر بھی شامل ہے۔
واضح رہے کہ رواں ہفتے اسرائیلی فورسز نے غزہ میں ہسپتال کے قریب آپریشن بھی کیا تھا جس کے بعد کئی لوگوں کو بے گھر کردیا گیا۔
