لزبن، صدر آصف علی زرداری کی پرتگال کے صدر سے ملاقات، ملاقات میں دوطرفہ اہمیت کے امور پر تبادلہ خیال کیا گیا۔
صدارتی محل آمد پر صدر مملکت آصف علی زرداری کا پرتپاک استقبال کیا گیا اورمختلف شعبوں میں تعاون کو مزید فروغ دینے کی ضرورت پر زور دیا گیا ہے۔
صدر مملکت آصف علی زرداری نے کہا ہے کہ پاکستان اور پرتگال کے درمیان خوشگوار دوطرفہ تعلقات ہیں، پاکستان پرتگال کے ساتھ اپنے تعلقات کو بہت اہمیت دیتا ہے۔
دوطرفہ تعاون بڑھانے،ثقافتی اورعوامی سطح پر تعلقات کے فروغ پر تبادلہ خیال کیا گیا، صدر مملکت نے پرتگال کے صدر کو دورہ پاکستان کی دعوت بھی دی۔
صدرآصف زداری کا کہنا تھا کہ پرتگال کے صدر کے دورے سے دوستی کا بندھن مزید مضبوط ہوگا، پرتگال کے صدر کے دورہ پاکستان سے تعاون کی نئی راہیں کھلیں گی۔
انہوں نے کہا کہ پاکستان اور پرتگال کے درمیان سفارتی تعلقات کے قیام کو 75 سال مکمل ہو گئے ہیں، دونوں ممالک کے درمیان خوشگوار دوطرفہ تعلقات قائم ہیں۔
