اسلام آباد: پانچ سالہ وزیراعظم کا انتخاب اتوار کو ہو گا۔ نئے حلف اٹھانے والے ایم این ایز وزیراعظم کے عہدے کے لیے ووٹنگ کے عمل میں حصہ لیں گے۔
پاکستان مسلم لیگ نواز (پی ایم ایل این) کی قیادت میں اتحاد نے شہباز شریف کو دوسری مدت کے لیے وزیراعظم کا امیدوار نامزد کیا ہے۔ جبکہ پی ٹی آئی اورسنی اتحاد کونسل نے عمر ایوب خان کو وزیراعظم کے عہدے کے لیے اپنا امیدوار نامزد کیا ہے۔
وزیراعظم منتخب ہونے کے لیے 336 رکنی پارلیمنٹ میں امیدوار کو 169 ووٹ درکار ہوتے ہیں۔
قومی اسمبلی سیکرٹریٹ سے جاری انتخابی شیڈول کے مطابق وزیراعظم کے عہدے کے لیے کاغذات نامزدگی آج (ہفتہ) دوپہر 2 بجے تک جمع کرائے جا سکیں گے۔
کاغذات نامزدگی کی جانچ پڑتال اسی دن سہ پہر تین بجے ہوگی۔ کاغذات نامزدگی قومی اسمبلی کی قانون سازی برانچ سے حاصل کیے جاسکتے ہیں۔
انتخابی قوانین کے تحت کاغذات نامزدگی کی جانچ پڑتال کے دوران تجویز کنندگان اور تائید کنندگان کی موجودگی لازمی ہے۔
Don’t forget to Subscribe our Youtube Channel & Press Bell Icon.
