نگراں وزیراعظم انوار الحق کاکڑ نے پاکستان کی معیشت کو سہارا دینے کے لیے تین ارب ڈالر کے اسٹینڈ بائی ایگریمنٹ کی منظوری پر انٹرنیشنل مانیٹری فنڈ کا شکریہ ادا کیا ہے۔
وہ اقوام متحدہ کی جنرل اسمبلی کے 78ویں اجلاس کے موقع پر نیویارک میں آئی ایم ایف کی منیجنگ ڈائریکٹر کرسٹالینا جارجیوا سے بات چیت کر رہے تھے۔
وزیر اعظم نے کہا کہ معاشرے کے کمزور طبقات کے تحفظ پر بھرپور توجہ دی گئی ہے۔وزیراعظم نے انہیں ملک کی معیشت کے استحکام اور بحالی کے لیے حکومت کی جانب سے اٹھائے گئے مختلف اقدامات سے آگاہ کیا۔
Don’t forget to Subscribe our Youtube Channel & Press Bell Icon.
انوار الحق کاکڑ نے تصدیق کی کہ ان اقدامات کا مقصد پائیدار اقتصادی ترقی اور سرمایہ کاری کے لیے ایک مستحکم اور سازگار ماحول پیدا کرنا ہے۔
اپنے ریمارکس میں آئی ایم ایف کی منیجنگ ڈائریکٹر کرسٹالینا جارجیوا نے معیشت کی بحالی کے لیے پالیسیوں اور اصلاحات کے نفاذ میں پاکستان کی ٹھوس کوششوں کو سراہا۔
انہوں نے یقین دلایا کہ آئی ایم ایف پاکستان کے ساتھ تعلقات کو جاری رکھنے کے لیے پرعزم ہے۔
