امریکی ریاست نیوجرسی کے قریب جنگلات میں آگ لگ گئی۔
امریکی میڈیا کے مطابق نیوجرسی کے جنگلات میں آگ 11 ہزارایکڑرقبہ پرپھیل چکی ہے جس سے گیارہ ہزار ایکڑ رقبہ جل کرخاک ہوگیا۔
نیوجرسی میں لگنے والی آگ کے بعد قریبی علاقوں کی بجلی مکمل بند کردی گئی ہے جس سے 25 ہزار سے زائد گھر بجلی سے محروم ہوگئےہیں، آگ کی وجہ سے اہم شاہراہ کو بھی بند کردیا گیا ہے۔
میڈیا رپورٹس میں بتایا گیا کہ امریکی ریاست نیو جرسی کی اوشین کائونٹی میں لگنے والی آگ کے بعد تین ہزارعلاقہ مکینوں کا انخلاء کروا دیا گیا ہے۔
جنگل میں لگی آگ میں صرف 10 فیصد حصے پر اب تک قابو پایا جا چکا ہے، 13 سو سے زائد عمارتوں کا آگ کی لپیٹ میں آنے کا خطرہ ظاہرکیا جا رہا ہے۔
