دماغی صحت کا عالمی دن ہر سال10 اکتوبر کو منایا جاتا ہے۔ اس دن کا مقصد لوگوں اور کمیونٹیز کے لیے علم کو بہتر بنانا، ذہنی صحت کی بیداری پیدا کرنا اور ایک عالمی انسانی حق کے طور پر ذہنی صحت کو فروغ دینا اور اس کی حفاظت کرنا ہے۔
اس دن کا مقصد عالمی سطح پر ذہنی صحت کی تعلیم، بیداری اور سماجی بدنامی کے خلاف وکالت کرنا ہے۔ یہ سب سے پہلے 1992 میں ورلڈ فیڈریشن فار مینٹل ہیلتھ کی پہل پر منایا گیا، جو کہ 150 سے زائد ممالک میں ممبران اور رابطے کے ساتھ ایک عالمی ذہنی صحت کی تنظیم ہے۔
اس سال اس دن کا تھیم ’’ذہنی صحت ایک عالمی انسانی حق ہے‘‘۔
Don’t forget to Subscribe our Youtube Channel & Press Bell Icon.
دماغی صحت کے عالمی دن پر اپنے پیغام میں صدر مملکت ڈاکٹر عارف علوی نے ذہنی صحت اور لوگوں کی فلاح و بہبود کے بارے میں آگاہی پیدا کرنے پر زور دیا ہے۔
صدر نے کہا کہ زیادہ تر دماغی بیماریوں کا علاج کم خرچ پر کیا جا سکتا ہے اگر ابتدائی مرحلے میں اس کا علاج شروع کر لیا جائے۔ انہوں نے کہا کہ ہمیں آن لائن ذہنی صحت کے پورٹلز، ورچوئل پروگرامز، مصنوعی ذہانت، دماغی صحت کے چیٹ بوٹس، ہیلپ لائنز، متعلقہ حکومت اور دیگر اسٹیک ہولڈرز کو متحرک کرنے، اور پبلک پرائیویٹ پارٹنرشپ قائم کرکے موجودہ انفراسٹرکچر کو مضبوط کرنے کے لیے ایک مربوط نقطہ نظر کی ضرورت ہے۔
