اسرائیل نے غزہ پر شدید گولہ باری جاری رکھی جس کے نتیجے میں 45 فلسطینی شہید ہو گئے۔
گزشتہ ماہ کی سات تاریخ کو اسرائیلی جارحیت شروع ہونے کے بعد سے غزہ اور مقبوضہ مغربی کنارے میں شہداء کی کل تعداد دس ہزار تک پہنچ گئی ہے۔
فلسطینی وزارت صحت کے مطابق غزہ کی پٹی میں گزشتہ 31 دنوں کے دوران مجموعی طور پر 175 طبی اہلکار اور 34 شہری دفاع کے کارکن شہید ہو چکے ہیں۔
اسی عرصے کے دوران 36 ہسپتالوں میں سے 16 اور 72 کلینک میں سے 51 اسرائیلی بمباری یا ایندھن اور ادویات کی کمی کی وجہ سے خدمات سے محروم ہو گئے ہیں۔
Don’t forget to Subscribe our Youtube Channel & Press Bell Icon.
دوسری جانب اقوام متحدہ نے ایک بیان میں کہا ہے کہ غزہ میں اب تک اس کے عملے کے 88 ارکان ڈیوٹی کے دوران مارے جا چکے ہیں۔
دریں اثنا، ایک غیر معمولی مشترکہ بیان میں، 18 اقوام متحدہ اور دیگر انسانی تنظیموں کے سربراہان نے فلسطینیوں کی نسل کشی کو روکنے کے لیے غزہ میں فوری طور پر انسانی بنیادوں پر جنگ بندی کا مطالبہ کیا ہے۔
دریں اثناء غزہ میں اسرائیلی بمباری سے بھی گزشتہ ماہ کے دوران 4104 بچے جاں بحق ہو چکے ہیں۔
یورپی کمیشن کی صدر ارسولا وان ڈیر لیین نے غزہ کے شہریوں کے لیے انسانی امداد کے لیے 100 ملین یورو کا اعلان کیا ہے۔
