پولیس نے بانی پی ٹی آئی عمران خان کی بہنوں علمہ خان اور عظمیٰ خان کو حراست میں لے لیا۔
دونوں کو ڈی چوک سے حراست میں لیا گیا اور تھانہ سیکرٹریٹ منتقل کردیا گیا،دوسری جانب ڈی سی اسلام آباد نے ڈی چوک کا دورہ کیا ،عرفان نواز میمن نے سکیورٹی صورتحال کا جائزہ لیا۔
صحافیوں سے غیر رسمی گفتگوکرتے ہوئے انہوں نے کہا کہ اب تک ہم نے دو سو سے زائد کارکنان کو گرفتار کیا ہے،مظاہرین کے ساتھ بھر پور طریقے سے نمٹا جائے گا۔
علاوہ ازیں وفاقی وزیر داخلہ محسن نقوی نے فضائی دورہ کیا اورمختلف علاقوں کا فضائی معائنہ کیا،وزیر داخلہ نے سکیورٹی انتظامات اور مجموعی صورتحال کا جائزہ لیا۔
انہوں نے سکیورٹی انتظامات پر اظہار اطمینان کیا اور کہا کہ کسی کو دارالحکومت میں امن وامان کی صورتحال خراب کرنے کی اجازت نہیں دیں گے۔
اسلام آباد انتظامیہ اور پولیس ہر ممکنہ صورتحال سے نمٹنے کیلئے تیار ہے،امن وامان کو قائم رکھنے اور شہریوں کی جان و املاک کی حفاظت کیلئے ہر ممکن اقدامات اٹھائے جائیں گے۔
