روس کے نائب وزیراعظم مارات خسنولن نے دعویٰ کیا ہے کہ اسلامی ممالک ان کے ملک پر مغرب کی جانب سے عائد پابندیوں کے خلاف ہیں۔
روسی نائب وزیراعظم مارات خسنولن نے کہا کہ اسلامی ممالک روس پر مغرب کی پابندیوں کی حمایت نہیں کرتے، جو کہ قازان اقتصادی فورم میں ہونے والے معاہدے اس بات کو ثابت بھی کررہے ہیں.
خسنولن نے روس اور اسلامی تعاون تنظیم کے ممالک کے وفود کے حوالے سے کہا کہ قازان شہر میں روس اور اسلامک ورلڈ فورم کے نتیجے میں سینکڑوں میٹنگیں ہوئیں اور 100 سے زیادہ تجارتی معاہدوں پر دستخط کیے گئے ہیں۔
انہوں نے مزید کہا کہ یہ فورم ایک ایسی جگہ بن گیا ہے جہاں سیاسی اور معاشی مفادات اکٹھے ہوگئے ہیں کیونکہ مسلم دنیا کے ممالک ہماری حمایت کرتے ہیں۔
آن لائن رپبلک پالیسی کا میگزین پڑھنے کیلئے کلک کریں۔
روسی نائب وزیراعظم کا کہنا تھا کہ اگرچہ دو عرب ممالک بالخصوص سعودی عرب اور مصر نے یوکرین میں اس کے فوجی آپریشن پر روس کی باضابطہ مذمت کی تھی لیکن کسی بھی اسلامی ملک نے مغرب کی پیروی نہیں کی اور ماسکو پر اقتصادی پابندیاں عائد نہیں کیں۔
