وزیراعظم شہبازشریف نے کہا ہے کہ اطلاعات اور مواصلات کی ٹیکنالوجی کے شعبوں میں پاکستان میں بے پناہ مواقع موجود ہے جن سے ابھی تک استفادہ نہیں کیا گیا ہے۔ا سلام آباد میں ایشیا پیسفک انفارمیشن اینڈ کمیونی کیشن ٹیکنالوجی الائنس ایوارڈز کی تقریب سے خطاب کرتے ہوئے انہوں نے کہا کہ گزشتہ دہائی میں پاکستانی سرمایہ کاروں نے اپنی انفرادی اور اجتماعی کوششوں کے ذریعے انفارمیشن ٹیکنالوجی کو فروغ دینے کیلئے شاندار کوششیں کی ہیں۔انہوں نے کہا کہ حکومت ملک میں انفارمیشن ٹیکنالوجی کے شعبے کی بہتری کیلئے کی جانے والی کوششوں کی معاونت میں سرگرم ہے۔
وزیراعظم نے کہا کہ پاکستان کو عالمی فری لانسنگ مارکیٹ میں خصوصی مقام حاصل ہے۔انہوں نے کہا کہ حکومت انفارمیشن ٹیکنالوجی کو فروغ دینے اور آئی ٹی کی برآمدات بڑھانے کیلئے اقدامات کررہی ہے۔انہوں نے نوجوانوں پر زور دیا کہ وہ آگے آئیں اور آئی ٹی کے شعبے میں زیادہ برآمدات کے حصول کیلئے منصوبہ بندی کریں۔
Read More: https://republicpolicy.com/wazir-information-technology-punjab/
اس موقع پر اظہار خیال کرتے ہوئے ایشیا پیسفک انفارمیشن اینڈ کمیونی کیشن ٹیکنالوجی الائنس کے چیئرمین ستان سنگھ نے کہا کہ انفارمیشن ٹیکنالوجی کے شعبے میں پاکستان میں بے پناہ ٹیلنٹ موجود ہے۔
